#வெளிநாட்டு பல்கலைக்கழகங்களில் பட்டப் படிப்பை தொடர்வதற்கு உத்தேசித்துள்ள மாணவர்களுக்கு .
👉தொழில் நிமித்தம் ஒரு பட்டப் படிப்பை தொடர விரும்புகிறீர்களா அல்லது உங்களுடைய பெயருக்கு பின்னால் ஒரு பட்டம் வரவேண்டும் என்பதற்காக ஒரு பட்டத்தை பெற விரும்புகிறீர்களா என்று ஒரு தெளிவான ஒரு பார்வை உங்களிடம் இருத்தல் வேண்டும்
👉 நீங்கள் உங்களுடைய எதிர்கால ஒரு தொழில் நிமித்தம் ஒரு பட்டத்தை பெற விரும்புகிறீர்கள் என்றால்…
1. நீங்கள் பட்டப்படிப்பை தொடரவிருக்கும் பல்கலைக்கழகம் இலங்கையில் அல்லது வெளிநாடு ஒன்றில் இருக்கிறது என்றால் அது உள்நாட்டில் உள்ள UGC (யூனிவர்சிட்டி கிரான் கமிஷன்) பல்கலைக்கழக மானியங்கள் ஆணைக்குழுவினால் அங்கீகரிக்கப்பட்ட ஒரு பல்கலைக்கழகமா என்று பார்த்துக் கொள்ளுங்கள்.
https://www.ugc.ac.lk/index.php?option=com_content&view=article&id=105&Itemid=100&lang=en
2. நீங்கள் பட்டப்படிப்பை தொடரவருக்கும் பல்கலைக்கழகம்
Commonwealth நாடுகளில் அங்கத்துவம் பெற்ற ஒரு நாடுக்குறிய பல்கலைக்கழகம் என்றால் Association of Commonwealth Universities என்ற அமைப்பில் அங்கத்துவத்தை பெற்ற ஒரு பல்கலைக்கழகமா என்று சரி பார்த்துக் கொள்ளுங்கள்.
https://www.acu.ac.uk/
3. நீங்கள் பட்டப்படிப்பை தொடரவருக்கும் பல்கலைக்கழகம்
International Association of Universities என்ற அமைப்பில் அங்கத்துவத்தை பெற்ற ஒரு பல்கலைக்கழகமா என்று சரி பார்த்துக் கொள்ளுங்கள்.
http://www.whed.net/home.php
4. மேல் குறிப்பிட்ட இந்த இரண்டு அமைப்பில் Association of Commonwealth Universities அல்லது International Association of Universities. ஏதாவது ஒன்றில் நீங்கள் பட்டப் படிப்பை தொடரவிருக்கும் பல்கலைக்கழகம் அங்கத்துவம் பெற்றிருந்தால் அந்தப் பட்டப்படிப்பு இலங்கையில் அங்கீகரிக்கப்பட்டதாக இருக்கும்.
அடுத்து மிக முக்கியமான ஒரு விடயம் இருக்கின்றது .
5. வெளிநாட்டு பல்கலைக்கழகம் ஒன்று இலங்கையில் வந்து அதன் கிளையை ஆரம்பித்திருக்கின்றது என்றால், அந்த பல்கலைக்கழகம் இந்த இரண்டு அமைப்பிலும் (Association of Commonwealth Universities அல்லது International Association of Universities. )
அங்கத்துவத்தை பெற்றிருந்தாலும், அல்லது ஏதாவது ஒன்றில் அங்கத்துவத்தை பெற்றிருந்தாலும்,
குறிப்பிட்ட பல்கலைக்கழகத்தின் தலைமையகம் எந்த நாட்டில் அமைந்திருக்கின்றதோ அந்த நாட்டில் நீங்கள் தேர்வு செய்கின்ற குறிப்பிட்ட பாடத்திட்டம் அந்த பல்கலைக்கழகத்தில் கற்பிக்கப்படுகின்றதா என்பதை நீங்கள் சரிபார்த்துக் கொள்ளுங்கள்
உதாரணத்திற்கு பிரத்தானியாவினுடைய ஒரு பல்கலைக்கழகம் இலங்கையில் அதன் கிளையை ஆரம்பிக்கப்படுகின்றது என்று வைத்துக் கொள்வோம் அந்த பிரித்தானியாவில் அமைந்திருக்கும் பல்கலைக்கழகத்தில் குறிப்பிட்ட ஒரு பாடம் இல்லாமல் இருக்கலாம் அந்தப் பாடத்திட்டத்தை அவர்கள் இலங்கை பல்கலைக்கழகத்தில் நடைமுறைப்படுத்தி கற்றுக் கொடுத்தால் அந்தக் குறிப்பிட்ட பாடத்துக்குரிய சான்றுதலுக்கு உங்களுக்கு UGC அங்கீகாரம் கிடைக்கப் பெறாது.
அண்மைக்காலமாக இலங்கையில் சில வெளிநாட்டு பல்கலைக்கழகங்கள் தமக்கு UGC அங்கீகாரம் இருப்பதாக கூறி பிரச்சாரம் செய்து மாணவர்களை உள்வாங்குகிறார்கள் அந்தப் பல்கலைக்கழகத்துக்கு அங்கீகாரம் இருக்கலாம் ஆனால் நீங்கள் தெரிவு செய்கின்ற பட்டப்படிப்பு பாடத்து துறைக்கு அங்கீகாரம் இருக்கின்றதா என்பதை சரியான முறையில் ஆய்வு செய்து பார்த்துக் கொள்ளுங்கள்.
கடந்த காலங்களில் ஒரு வெளிநாட்டு பல்கலைக்கழகம் சட்டத்துறை பட்டப் படிப்பை வழங்குகின்றோம் என்று கூறி பல நூற்றுக்கணக்கான மாணவர்கள் ஏமாற்றப்பட்ட ஒரு சம்பவம் இலங்கையில் நடந்தேறி இருக்கின்றது.
இப்படியான வெளிநாட்டு பல்கலைக்கழகங்களில் நீங்கள் பட்ட படிப்பை தொடர விரும்புகிறீர்கள் என்றால் ,சரியான ஒரு ஆய்வை மேற்கொண்டதன் பின்பு அந்த பட்டப் படிப்பை தொடர்வது நன்று, அல்லது மூன்று நான்கு வருடங்களை கடத்திவிட்டு நீங்கள் எந்த பிரயோசனமும் இல்லாமல் உங்கள் சான்றிதழ்களை வீடுகளில் தான் வைத்திருக்க வேண்டும் அதனை வைத்து எந்த தொழில்துறைக்கும் விண்ணப்பிக்க முடியாத ஒரு நிலை உருவாகலாம், எனவே இந்த விடயங்களில் மாணவர்களுக்கு ஒரு தெளிவான ஒரு அவதானம் தேவைப்படுகிறது.
